Saturday, January 13, 2007

അതും ഇതും

അതു തന്നെയല്ലയോ ഇത്‌??
അതോ ഇതും അതും ഒന്നോ??
ചോദിച്ചത്‌ വേലിക്കല്‍ നിന്നു
വെള്ളം കോരുന്ന അമ്മുവിനോട്‌.
ഉത്തരം പറഞ്ഞതു പക്ഷേ
കെട്ടിയവള്‍
എണ്ണയില്‍ ഇട്ട്‌ വറുത്തുകളയും പട്ടീ...
തള്ളയുടെ തെറിവിളി കേട്ട്‌
പിള്ളേര്‍ പൊട്ടിച്ചിരിച്ചു..
അയാള്‍ പതിവുപോലെ ബീഡിയും വലിച്ചു
ഉമ്മറത്തു കൂനിക്കൂടിയിരുന്നു.
മണ്ണും ചാരിയിരുന്ന അങ്ങേലെ
പൊട്ടന്‍ ചെറുക്കന്‍ അന്നേരം
വേലിക്കലെത്തി അമ്മുവിനെ
വെള്ളം കോരാന്‍ പഠിപ്പിക്കുന്നുണ്ടായിരുന്നു..

- സീ.വീ രാജമ്മ